Litsey nizomi

AKADEMIK LITSEYNING USTAVI

 

KIRISH

 

Mazkur Ustav O‘zbekiston Respublikasi Prezidentining 2017 yil 26 sentabrdagi “Oliy ta’lim muassasalariga kirish uchun nomzodlarni maqsadli tayyorlash tizimini yanada takomillashtirish to‘g‘risida”gi PQ-3290-son hamda 2017 yil 14 martdagi “O‘rta maxsus, kasb-hunar ta’limi muassasalari faoliyatini yanada takomillashtirish chora-tadbirlari to‘g‘risida”gi PQ-2829-son qarorlari, shuningdek O‘zbekiston Respublikasi Vazirlar Mahkamasining 2017 yil 18 martdagi 01-07/-503-son O‘zbekiston Respublikasi Prezidentining 2017 yil 14 martdagi “O‘rta maxsus, kasb-hunar ta’limi muassasalari faoliyatini yanada takomillashtirish chora-tadbirlari to‘g‘risida”gi PQ-2829-son qarori ijrosining Nazorat rejasining 4-bandini ijrosini ta’minlash maqsadida, O‘zbekiston Respublikasi Vazirlar Mahkamasining 1998 yil 5 yanvardagi 5-son qaroriga muvofiq tuzilgan.

 

Akademik litseyning Ustavi quyidagi tuzilishga ega:

1. Umumiy qoidalar.
2. Ta’lim muassasasining maqsad va vazifalari.
3. Ta’lim oluvchilar.
4. O‘quv-tarbiyaviy va ilmiy-uslubiy ish.
5. Ta’lim muassasasining tuzilishi.
6. Pedagog xodimlar, o‘quv-tarbiyaviy xodimlar.
7. Ta’lim muassasasiga rahbarlik qilish.
8. Jamoat tashkilotlari.
9. Mol-mulki va mablag‘lari.
10.  Qayta tashkil etish va tugatish.

Akademik litseyning Ustavi 10 ta bo‘lim va 64 ta banddan iborat.

I. Umumiy qoidalar

1. Mirzo Ulug‘bek nomidagi Samarqand davlat arxitektura-qurilish instituti akademik litseyi Davlat ta’lim standartlariga mos ravishda o‘rta-maxsus ma’lumot beruvchi, o‘quvchilarning qiziqishi va imkoniyatlaridan kelib chiqib, chuqurlashtirilgan ta’lim yo‘nalishlari  bo‘yicha o‘qitish, oliy ta’limga maqsadli yo‘naltirish, jadal intellektual rivojlanish bilan ta’minlovchi, shuningdek, maxsus chuqurlashtirilgan tayyorgarlikni talab etmaydigan alohida mutaxassislik beruvchi davlat ta’lim muassasasidir.

2. Akademik litsey o‘z faoliyatini O‘zbekiston Respublikasining Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari va farmoyishlari, Oliy va o‘rta maxsus ta’lim vazirligi hamda O‘zbekiston Respublikasi Davlat Arxitektura va Qurilish qo‘mitasining hay’at qarorlari va bo‘yruqlari, oliy ta’lim muassasasi kengashi qarorlari va rektor buyruqlari, ta’lim tizimiga oid me’yoriy-huquqiy hujjatlar, shuningdek, ushbu Ustavga asosan amalga oshiradi.

3. Akademik litsey mustaqil yuridik shaxs hisoblanib, sudda da’vogar va javobgar bo‘la oladigan, o‘z balansiga, O‘zbekiston Respublikasi Moliya vazirligi g‘aznachiligida ochilgan hisob raqamlariga,  O‘zbekiston Respublikasining Davlat gerbi tasviri tushirilgan va o‘z nomi yozilgan muhrga hamda  o‘z faoliyati uchun zarur boshqa belgilar va rekvizitlarga ega bo‘ladi.

4. Akademik litsey berilgan moddiy texnik bazasini saqlab qolish, mustahkamlash va rivojlantirish tadbirlarini amalga oshiradi, shuningdek, ajratilgan mablag‘lardan ratsional va samarali foydalanishni nazorat qiladi.

5. Akademik litseyning nomi:

davlat tilida – Mirzo Ulug‘bek nomidagi Samarqand davlat arxitektura-qurilish instituti akademik litseyi.

Qisqartirilgan nomi – SamDAQI akademik litseyi.

rus tilida – Akademicheskiy litsey Samarkandskogo gosudarstvennogo arxitekturno-stroitelnogo instituta imeni Mirzo Ulugbeka.

Qisqartirilgan nomi – Akademicheskiy litsey SamGASI.

ingliz tilida – Akademic lyseum of Samarkand State architecture and civil engineering institute named after Mirzo Ulugbek.

Qisqartirilgan nomi - Akademic lyseum SamSASEI.

6. Akademik litseyning to‘liq manzili: Samarqand shahar Jalol Jo‘raev ko‘chasi, 65 uy.

 

II. Akademik litseyning maqsad va vazifalari

 

7. Akademik litseyning maqsadi – o‘quvchilarni har tomonlama rivojlangan, madaniyatli shaxs sifatida shakllantirish, shuningdek, jamiyatda o‘zlarining mustaqil o‘rnini topish, ta’lim va kasblar bo‘yicha dasturlarni tanlash,  ularni o‘zlashtirish uchun asos yaratish, fundamental ilmiy – nazariy asoslar nuqtai nazaridan puxta bilimga ega bo‘lishlari uchun shart – sharoit yaratish shuningdek, shaxsning jismoniy va ma’naviy rivojlanishi uchun keng imkoniyatlarini ta’minlash, o‘quv jarayonining sifat va samaradorligini oshirish, o‘quvchilarning bilim darajasini oshirishda oliy ta’lim muassasalarining o‘quv, ilmiy salohiyatidan yanada kengroq foydalanishni tashkil etish, oliy ta’lim muassasalarining o‘quv, ilmiy salohiyatidan, moddiy-texnik bazasi, ta’lim va axborot resurslaridan foydalanish, iqtidorli o‘quvchilarni qo‘llab-quvvatlash, ularni maqsadli ta’limga yo‘naltirish va pirovard natijada akademik litsey bitiruvchilarining oliy ta’lim muassasalariga maqsadli o‘qishga kirishini ta’minlash.

8. Mirzo Ulug‘bek nomidagi Samarqand davlat arxitektura-qurilish instituti akademik litseyining vazifalari:  

- oliy ta’lim muassasalarida o‘qishni davom ettirish imkoniyatini ta’minlaydigan ta’lim dasturlarini ishlab chiqilishi va bajarilishini ta’minlash;

-umumiy o‘rta ta’lim muassasalarining eng iste’dodli va iqtidorli o‘quvchilarini tanlab olish;

• davlat ta’lim standarti talablari bajarilishini ta’minlash;
• o‘quvchilarning intellektual qobiliyatlarini yanada rivojlantirish va o‘qishini oliy ta’lim muassasalarida davom ettirishga chuqur tayyorlash;

-o‘quvchilarning tanlagan ta’lim yo‘nalishlari bo‘yicha chuqurlashtirilgan bilim olishlari uchun keng imkoniyatlar yaratib berish;

• o‘quvchilarning ijodiy salohiyati, qobiliyati, individual iste’dodlarini namoyon bo‘lishi va faollashishiga ko‘maklashuvchi, har bir o‘quvchining mustaqil faoliyat ko‘nikmalarini shakllantiruvchi hamda rivojlantiruvchi ta’lim muhitini yaratish;
• ilg‘or mahalliy va xorijiy ta’lim muassasalarining tajribasini hisobga olgan holda ta’lim jarayonini tashkil etishning zamonaviy shakllarini joriy etish;
• ta’lim jarayonida ilg‘or pedagogik va zamonaviy axborot-kommunikatsiya texnologiyalarining qo‘llanishini ta’minlash;
• akademik litseydagi o‘quv jarayonining sifatini davriy ravishda oshirib borish;
• akademik litsey o‘qituvchilarining kasbiy salohiyati va pedagogik mahoratini oshirib borish maqsadida doimiy seminarlar, treninglar o‘tkazish;
• akademik litsey o‘qituvchilarini attestatsiyaga tayyorlash, malaka toifalarini oshirib borish;
• akademik litsey o‘qituvchilarini ilmiy-tadqiqot ishlariga jalb etish va ularga oliy ta’lim muassasalarining professor-o‘qituvchilaridan ilmiy-metodik rahbarlar tayinlash;
• ilmiy-metodik tavsiyalar ishlab chiqish va ularni ta’lim-tarbiya jarayoniga tatbiq etish;
• akademik litsey faoliyatiga oid monitoring natijalarini oliy ta’lim muassasalari kengashi muhokamasiga kiritish;
• akademik litseyniig iqtidorli o‘quvchilarini olimpiadalar, ko‘rik-tanlovlar orqali aniqlash, rag‘batlantirib borish, respublika va xalqaro fan olimpiadalariga tayyorlash;
• akademik litsey bitiruvchilarining oliy ta’lim muassasalariga o‘qishga kirish ko‘rsatkichlarini har o‘quv yili boshida tahlil qilish va tegishli chora-tadbirlarni belgilash;
• o‘quv tarbiyaviy jarayonda sog‘lom muhitni amalga oshirish uchun sharoitlar yaratish, sog‘lom turmush tarzi me’yorlarini amalga tatbiq etish;
• o‘quvchilarda vatanparvarlikni, o‘z Vatani bilan faxrlanish his – tuyg‘usini rivojlantirish, milliy o‘zligini anglash, xalqimizning milliy, madaniy, tarixiy an’analariga hurmat bilan qarashni kuchaytirish;
• o‘quvchilarning izchil intellektual, madaniy va ma’naviy-axloqiy kamol topishiga bo‘lgan ehtiyojini qondirish;
• doimiy ravishda o‘qituvchilarning sifat darajasini oshirib borishni ta’minlash;
• o‘qituvchilarning kasbiy va pedagogik mahoratini, shuningdek, ma’naviy yetukligini muntazam oshirib borish;
• ayrim fanlar chuqur o‘rganiladigan davlat ixtisoslashtirilgan umumta’lim muassasalari bilan ta’limning uzluksizligi va uzviyligi tamoyillariga rioya qilgan holda iqtidorli o‘quvchilar bilan ish olib borish doirasida o‘zaro amaliy hamkorlikni yo‘lga qo‘yish;
• oliy ta’lim muassasasi (akademik litsey tasarrufiga berilgan) bilan hamkorlikda akademik litseyga tizimli asosda har tomonlama metodik va amaliy yordam ko‘rsatilishini tashkil etish.

9. Akademik litseyning majburiyatlari:

• O‘zbekiston Respublikasi qonun hujjatlari, davlat ta’lim standartlari, o‘quv rejalari va dasturlari, yuqori turuvchi boshqaruv organlarining tegishli buyruqlari va ko‘rsatmalari bajarilishini ta’minlaydi;

-davlat ta’lim standartlariga muvofiq soha yo‘nalishlari bo‘yicha o‘quvchilarning intensiv intellektual rivojlanishini va puxta tabaqalashtirilgan o‘qitishni ta’minlaydi;

• o‘quvchilarning respublika, xalqaro fan olimpiadalari va ko‘rik-tanlovlarda samarali ishtirokini ta’minlaydi;
• doimiy ravishda o‘qituvchilarning sifat darajasini oshirib borishni ta’minlaydi;
• o‘qituvchilarning kasbiy va pedagogik mahoratini, shuningdek, ma’naviy yetukligini muntazam oshirib borishini ta’minlaydi;

• ota-onalar, fuqarolarning o‘zini o‘zi boshqarish organlari, jamoat tashkilotlari va boshqa manfaatdor idoralar bilan o‘quv-tarbiya ishlarini rivojlantirish bo‘yicha hamkorlik ishlarini olib boradi;
• o‘quvchilarni tanlagan ta’lim yo‘nalishlari bo‘yicha chuqurlashtirilgan bilim olishlari uchun imkoniyatlar yaratib beradi;
• o‘quvchilarning intellektual qobiliyatlarini yanada rivojlantirish va o‘qishni oliy ta’lim muassasalarida davom ettirishga tayyorlaydi;
• o‘quvchilarning ijodiy salohiyati namoyon bo‘lishi va faollashishiga ko‘maklashuvchi, individual iste’dodlarni va har bir o‘quvchining qobiliyatlari hamda xususiyatlarini hisobga olgan holda bilimlarni egallab olish jarayonida mustaqil faoliyat ko‘nikmalarini shakllantiruvchi va rivojlantiruvchi ta’lim muhitini yaratadi;
• ilg‘or mahalliy va xorijiy ta’lim muassasalarining tajribasini hisobga olgan holda ta’lim jarayonini tashkil etishning zamonaviy shakllarini joriy etish va uning mazmunini doimiy ravishda yangilab boradi;

-ta’lim sifatini yaxshilash, o‘quv-tarbiya jarayonining samaradorligini oshirish, rivojlantirish ishlarini amalga oshiradi;

-o‘quv-tarbiya jarayonida sog‘lom muhitni amalga oshirish uchun sharoitlar  yaratish, sog‘lom turmush tarzi me’yorlarini amalga tatbiq etadi;

• o‘quvchilarda vatanparvarlikni, o‘z Vatani bilan faxrlanish his –tuyg‘usini rivojlantirish, milliy o‘zligini anglash, xalqimizning milliy, madaniy, tarixiy an’analariga hurmat bilan qarashni kuchaytiradi.

10. Akademik litseyning huquqlari:

• amaldagi me’yoriy – huquqiy hujjatlarga muvofiq umumiy o‘rta ta’lim muassasalarining 9-sinf bitiruvchilarini akademik litseyga o‘qishga qabul qilishni, kursdan-kursga o‘tishini yoki qoldirilishini, boshqa ta’lim muassasasiga ko‘chirilishini, chetlatilishini hamda qayta tiklanishini, shuningdek, akademik ta’til berishni tashkil etadi, o‘qishni tamomlagan bitiruvchilarga Davlat namunasidagi diplom va egallagan mutaxassisligi bo‘yicha sertifikat berilishini ta’minlaydi;
• ota-onalar, fukarolarning o‘zini o‘zi boshqarish organlari, jamoat tashkilotlari va boshqa manfaatdor idoralarga o‘quv-tarbiya ishlarini rivojlantirish bo‘yicha murojaatlar yo‘llaydi;

-turli moliyaviy manbalardan foydalanib, akademik litseyning xususiy (maxsus) fondini shakllantiradi;

• o‘qishda (ishda) alohida ko‘rsatkichlarga erishgan o‘quvchi va o‘qituvchilar hamda ishchi- xodimlarni taqdirlaydi (moddiy va ma’naviy), mukofotga taqdim etadi, lozim bo‘lganda ularga  intizomiy jazo choralarini (xususan jarima qo‘llanilishi mumkin) ko‘radi;
• akademik litsey ehtiyoji asosida o‘rnatilgan tartibda zarur moddiy jihozlarni va boshka moddiy resurslarni korxona va tashkilotlardan belgilangan tartibda ijaraga oladi yoki xarid qiladi, shuningdek, o‘zining bo‘sh turgan jihozlar va boshqa moddiy resurslarini ijaraga beradi.

III. Ta’lim oluvchilar

1. Akademik litseyga o‘quvchilarning hujjatlarini qabul qilish O‘zbekiston Respublikasi Vazirlar Mahkamasi tomonidan tasdiqlangan nizomga muvofiq amalga oshiriladi.
2.  Akademik litseyda o‘quvchilarni qabul qilish bo‘yicha Samarqand davlat arxitektura-qurilish instituti rektori raisligida maslahat kengashi tashkil etiladi. Maslahat kengashining tarkibi, uning vakolatlari, huquq va majburiyatlari hamda faoliyatini tashkil etish tartibi O‘zbekiston Respublikasi Oliy va o‘rta maxsus ta’lim vazirligi hamda O‘zbekiston Respublikasi Davlat Arxitektura va Qurilish qo‘mitasi tomonidan belgilanadi.
3.  Akademik litseylarga qabul qilish, boshqa ta’lim muassasasiga ko‘chirish, chetlatish va qayta tiklash,  shuningdek, akademik ta’til berishni rasmiylashtirish tegishli qonun hujjatlariga muvofiq amalga oshiriladi.
4. O‘zbekiston Respublikasi fuqarolari hamda amaldagi qonunchilikka muvofiq qabul qilingan chet el fuqarolari akademik litsey o‘quvchisi bo‘lishi mumkin.
5. Akademik litsey o‘quvchilarining huquqlari;

• ta’lim yo‘nalishini ixtiyoriy tanlash;
• o‘quv binolari, laboratoriya, axborot resurs markazi (kutubxona), sport majmualaridan foydalanish, o‘zlarining qobiliyatlarini namoyon qilish va rivojlantirish, o‘z salohiyatini o‘stirish, o‘z bilimlarini fanlar bo‘yicha chuqurlashtirish;
• zamonaviy fan va texnika taraqqiyotiga mos bilimlarni olish;
• o‘z-o‘zini boshqaradigan o‘quvchilar organiga saylash va saylanish, ta’lim muassasasi faoliyatida, eng muhim masalalarni hal qilishda ishtirok etish, akademik litseyning ijodiy faoliyatida ishtirok etish, o‘quv rejasi doirasidan tashqari, ijtimoiy, sport va fan to‘garaklariga qatnashish orqali bilim olish;
• o‘z fikrini erkin bayon etish;
• akademik litsey o‘quvchilari o‘qishini tugatgunga qadar turar joydan foydalanish;
• amaldagi qonun hujjatlariga muvofiq bir ta’lim yo‘nalishidan boshqa ta’lim yo‘nalishiga hamda umumiy o‘rta ta’lim maktablariga o‘qishini ko‘chirish, akademik ta’til olish, qayta tiklash bo‘yicha (voyaga yetmaganlar ota-onalari yoki ularning o‘rnini bosuvchi shaxslar orqali) murojaat qilish;
• turli tanlovlar, respublika va xalqaro olimpiadalarda ishtirok etish;
• o‘qishni tamomlagandan so‘ng Davlat namunasidagi diplom va egallagan mutaxassisligi bo‘yicha sertifikat olish;
• biriktirilgan oliy ta’lim muassasasining o‘quv-laboratoriya uskunasi, kompyuter texnikasi va boshqa tashkiliy texnika, darsliklar hamda o‘quv qo‘llanmalaridan foydalanish;
• umumta’lim fanlari bo‘yicha darsliklarni ijara asosida olish;

o‘quvchilar O‘zbekiston Respublikasi qonun hujjatlariga muvofiq boshqa huquqlarga ega bo‘lishi mumkin.

1. Akademik litsey o‘quvchilarining majburiyatlari:

• akademik litsey Ustavi va ichki tartib-qoidalari talablari, sanitariya-gigiena me’yorlari va qoidalariga rioya etish;
• davlat ta’lim standarti va o‘quv rejalarida belgilangan o‘quv fanlari bo‘yicha puxta bilim egallash va to‘liq o‘zlashtirish;
• odob-axlok qoidalariga rioya etish;
• jamoat tartibiga rioya etish;
• konferensiyalarda va litseyning boshqa o‘quv-tarbiyaviy tadbirlarida faol ishtirok etish;
• kiyinish madaniyatiga rioya etish;
• akademik litsey mulki (jihozlar, darsliklar, o‘quv qo‘llanmalari, o‘quv-laboratoriya jihozlari)ga ehtiyotkorlik bilan munosabatda bo‘lish;

• chuqurlashtirib o‘tiladigan fanlar bo‘yicha boshlang‘ich ilmiy kuzatishlar olib borish.

IV. O‘quv-tarbiyaviy, o‘quv va ilmiy-metodik ishlar

 

1.  O‘quv-tarbiya jarayonining mazmuni Davlat ta’lim standartlariga muvofiq ishlab chiqilgan o‘quv rejalar va o‘quv dasturlari asosida belgilanadi. Akademik litseyda ta’lim jarayoni davlat tili hamda rus va qoraqalpoq tillarida olib boriladi.
2.  O‘quvchilarga akademik litsey o‘quvchisi guvohnomasi va reyting daftarchasi to‘liq rasmiylashtirilib, bepul tarqatiladi.
3.  Akademik litseyda o‘quv guruhlari tarkibi 26 nafar o‘quvchidan ortiq bo‘lmagan tarzda shakllantiriladi. Chuqurlashtirilib o‘rganiladigan fanlar (ta’lim yo‘nalishlari) bo‘yicha akademik litseyda amaliy, laboratoriya va seminar mashg‘ulotlari kichik  guruhlarga bo‘lib o‘qitiladi.
4.  O‘quv yilining boshlanishi va uning tugallanish muddati o‘quvchilarning haftalik yuklamasi va yakuniy nazoratlari hamda ta’tillarning davomiylik muddati, shuningdek o‘qishni yakunlash shakllari va turlari o‘quv rejalari asosida amalga oshiriladi.

Akademik litseyda o‘qitishning kunduzgi shakliga amal qilinadi. O‘qish muddati 2 yil.

Akademik litseylarda barcha o‘quv mashg‘ulotlari uchun ikki akademik o‘quv soat davomiyligi 80 daqiqa etib belgilanadi.

1.  Akademik litseyda birinchi kungi mashg‘ulotlar ta’lim muassasalari ishlab chiqqan tadbirlarga muvofiq vazirlik va idoralar, ularning joylardagi bo‘linmalari, hokimlik. homiylar, jamoat tashkilotlari vakillari ishtirokida tantanavor ruhda, O‘zbekiston Respublikasi bayrog‘ini olib chiqish va madhiyasini ijro etish bilan boshlanadi.
2. Akademik litseyda o‘quv mashg‘ulotlarini olib borish uchun oliy ta’lim muassasalarini professor-o‘qituvchilari, tajribali mutaxassislar jalb etiladi.

Akademik litseyni o‘z tasarrufiga olgan Samarqand davlat arxitektura-qurilish instituti reja asosida akademik litseyning o‘quv-tarbiyaviy, o‘quv-metodik va ilmiy-metodik ishlarini tahlil etadi, kamchiliklarni bartaraf etish bo‘yicha amaliy yordam ko‘rsatadi.

1.  O‘quvchilarning bilimi va ko‘nikmalarini baholash amaldagi me’yoriy-huquqiy hujjatlar asosida amalga oshiriladi.
2. Akademik litseyda tarbiyaviy ishlar milliy an’analarimiz va umuminsoniy qadriyatlarimizdan kelib chiqib, tashkil qilinadi. Tarbiyaviy ishlar o‘quv jarayoni bilan birgalikda oilalar, mahalla, jamoat tashkilotlari, shaxsning ijodiy faoliyatini shakllantiruvchi, O‘zbekiston Respublikasining Mustaqillik tamoyillariga sodiq va jamiyatning rivojiga real hissa qo‘sha oladigan davlat va nodavlat tashkilotlari bilan birgalikda amalga oshiriladi.
3. Akademik litsey o‘quvchilarini umumta’lim fanlari bo‘yicha darsliklar bilan ta’minlash O‘zbekiston Respublikasi Moliya vazirligi huzuridagi budjetdan tashqari respublika maqsadli kitob jamg‘armasining mablag‘lari hisobiga ijara asosida amalga oshiriladi. Kam ta’minlangan oilalardan bo‘lgan o‘quvchilar umumta’lim fanlari bo‘yicha darsliklar bilan budjet mablag‘lari hisobidan bepul ta’minlanadi.
4.  O‘qishdagi yutuqlari, o‘quv-ilmiy, ijodiy faoliyati va boshqa ishlarda faol qatnashganligi uchun akademik litsey o‘quvchilariga turli xil ma’naviy va moddiy rag‘batlantirishlar belgilanadi.

1. Akademik litseyda sabablaridan qati nazar, nazorat ishlarining istalgan turidan o‘quvchilarni ozod qilishga yo‘l qo‘yilmaydi.
2. O‘qitish har bir kursda barcha fanlar bo‘yicha yakuniy nazorat bilan yakunlanadi.
3. O‘quv yilining tugallanishi, o‘quvchilarni kursdan-kursga o‘tkazish, o‘quv yilining yakuni bo‘yicha qo‘shimcha tadbirlar tantanali ravishda amalga oshiriladi. A’lochi o‘quvchilar akademik litseyning faxriy yorliqlari va boshqa sovg‘alar bilan taqdirlanishi mumkin.
4.  Akademik litseyda o‘qishi davomida fanlarni o‘zlashtira olmagan hamda o‘rnatilgan tartib-qoidalarga rioya qilmagan o‘quvchilar birinchi bosqich natijalariga ko‘ra kursda qoldirilishi mumkin.
5. O‘quv rejada belgilangan barcha fanlarni to‘liq o‘zlashtirgan o‘quvchi akademik litsey direktorining buyrug‘iga asosan yakuniy davlat attestatsiyasiga qo‘yiladi.
6.  Akademik litsey bitiruvchilariga maxsus chuqurlashtirilgan tayyorgarlikni talab etmaydigan alohida mutaxassisliklar beriladi.

Maxsus chuqurlashtirilgan tayyorgarlikni talab etmaydigan alohida mutaxassislik bo‘yicha davlat namunasidagi diplom o‘rnatilgan tartibda bitiruvchilarga topshiriladi.

1. O‘quv rejasida nazarda tutilgan fanlardan yakuniy baholarining kamida 86 foizi «a’lo» va qolgan fanlardan «yaxshi» bo‘lgan, yakuniy attestatsiya sinovlaridan «a’lo» baholar olgan, namunali hulqqa ega bo‘lgan hamda jamoat ishlarida faol ishtirok etgan o‘quvchilarga a’lo darajali diplom beriladi.
2. Bitiruvchilarga diplom va sertifikatlar akademik litseyda tantanali tadbirda topshiriladi. Tadbirga ularning ota-onalari, oliy ta’lim muassasalari vakillari, hamkor korxona va tashkilotlar, shuningdek, ommaviy axborot vositalari taklif etiladi.
3.  Yakuniy davlat attestatsiyasida ijobiy baho olgan o‘quvchiga belgilangan tartibda akademik litseyni tamomlaganligi to‘g‘risida davlat namunasidagi diplom beriladi.
4. Akademik litseyning o‘quv-tarbiya jarayoniga biriktirilgan Samarqand davlat arxitektura-qurilish instituti akademik litseyning o‘quv-tarbiya jarayoniga ilmiy-uslubiy rahbarlik qiladi.
5. Samarqand davlat arxitektura-qurilish instituti akademik litseydagi o‘quv jarayoni samaradorligini oshirish bo‘yicha ko‘maklashish quyidagi mezonlar bilan belgilanadi:

• o‘quvchilarning oliy ta’lim muassasalariga kirish ko‘rsatkichlari dinamikasi;
• o‘quvchilarning fan olimpiadalari, ko‘rik-tanlovlardagi yutuqlari;
• o‘qituvchilarning sifat tarkibini yaxshilash dinamikasi;
• o‘qituvchilarning turli ko‘rik-tanlovlarda erishgan natijalari;
• o‘qituvchilarning chop etilgan o‘quv, ilmiy-metodik ishlanmalari.

V. Akademik litseyning tuzilishi

1.  Akademik litseyning shtatlar jadvali amaldagi me’yoriy-huquqiy hujjatlar asosida ishlab chiqiladi, tasdiqlanadi hamda ro‘yxatdan o‘tkaziladi.
2. Akademik litseyda Pedagogik kengash, metodik kengash, ota-onalar kengashi tuziladi va faoliyat yuritadi.
3. Akademik litsey tarkibida kasaba uyushma, xotin-qizlar qo‘mitasi, O‘zbekiston Yoshlar ittifoqi, Murabbiylar kengashi va akademik litseydagi ta’lim-tarbiya jarayoniga daxldor bo‘lgan boshqa jamoat tuzilmalari tashkil etilishi mumkin.
4. Akademik litseyda fan kafedralaridan va Samarqand davlat arxitektura-qurilish institutining kafedra filiallari tashkil etiladi.

Akademik litseyda tashkil etilgan kafedralar ular faoliyati to‘g‘risidagi Nizom bilan tartibga solinadi.

1.  Akademik litsey o‘qituvchilari tegishli oliy ta’lim muassasasining kafedralariga va tajribali professor-o‘qituvchilariga biriktiriladi hamda ular o‘rtasida ta’lim sifatini oshirish borasida hamkorlik yo‘lga qo‘yiladi.
2.  Akademik litseyning pedagogik kengashida oliy ta’lim muassasasining akademik litseylar bilan ishlash bo‘yicha mas’ul tarkibiy bo‘linma rahbarlari ishtirok etadi.

Akademik litsey ma’muriyati akademik litseydagi o‘quv-tarbiya va ilmiy metodik ishlar samaradorligi bo‘yicha Samarqand davlat arxitektura-qurilish institutining ilmiy kengashida hisobot beradi.   

Samarqand davlat arxitektura-qurilish instituti ilmiy kengashi yig‘ilishlarida akademik litsey direktori ishtirok etadi.

VI. Pedagog xodimlar, o‘quv-tarbiyaviy xodimlar

1. Akademik litseyga xodimlarni pedagog faoliyatga jalb etish oliy ma’lumotli va kamida 5 yil uzluksiz pedagogik ish stajiga ega bo‘lgan shaxslar orasidan belgilangan tartib asosida tanlov yo‘li bilan amalga oshiriladi.
2. Ishga qabul qilinuvchining huquq va majburiyatlari hamda ishni tashkil qilish sharoitlari O‘zbekiston Respublikasining mehnat qonunchiligi bo‘yicha, shuningdek, mehnatga haq to‘lash o‘quv muassasasining pedagog xodimlari uchun tarifikatsiya asosida, boshqaruv, texnik, xizmat ko‘rsatuvchi va o‘quv-yordamchi xodimlar uchun shtat jadvaliga ko‘ra amalga oshiriladi.
3.  Akademik litsey pedagog xodimi va boshqa pedagog kadrlariga amaldagi qonun talablariga asosan qisqartirilgan ish vaqti belgilanadi, har yili mavjud imtiyozlarga ega o‘zaytirilgan, pulli mehnat ta’tili beriladi.
4.  Pedagog xodimlar qonun hujjatlarida belgilangan tartibda attestatsiyaga jalb etiladi va attestatsiya natijalari bo‘yicha qabul qilingan qaror asosida pedagog xodimlarning malaka toifalari ko‘rib chiqiladi.
5.  Akademik litsey boshqaruv va pedagog xodimlari Oliy va o‘rta maxsus ta’lim vazirligining ko‘rsatmasi asosida belgilangan muddatlarda malaka oshirish kurslariga jalb etiladi.
6.  Akademik litsey rahbar hamda pedagog xodimlarining lavozim majburiyatlari va huquqlari amaldagi me’yoriy hujjatlar asosida belgilanadi.
7. Akademik litsey pedagog xodimlari va ishchi xodimlari amaldagi qonun hujjatlariga asosan Samarqand davlat arxitektura-qurilish instituti rahbariyati bilan kelishilgan holda direktorning buyrug‘i bilan lavozimga tayinlanadi yoki o‘z lavozimidan ozod etiladi.

VII. Akademik litseyga rahbarlik qilish

 

1.  Akademik litseyni boshqarish Samarqand davlat arxitektura-qurilish instituti tomonidan amalga oshiriladi. Akademik litsey direktori belgilangan tartibda tanlov natijalari asosida oliy ta’lim muassasasi rektorining tavsiyasiga ko‘ra O‘zbekiston Respublikasi Davlat Arxitektura va Qurilish qo‘mitasi raisining buyrug‘i asosida lavozimga tayinlanadi va ozod etiladi.
2. Akademik litsey direktori huzurida pedagogik kengash tashkil etiladi. Pedagogik kengashning funksiyalari quyidagilar hisoblanadi:

• akademik litsey taraqqiyotining asosiy yo‘nalishlari, ta’lim sifatini oshirish va takomillashtirish, qo‘shimcha moliyaviy mablag‘larni jalb qilish, moddiy-texnik bazani mustahkamlash yo‘llarini belgilaydi;

-ta’lim mazmunining turli shakllari, (o‘quv rejasi, dasturi, qo‘llanmalar) o‘quv- tarbiya jarayonining uslublari va ularni amalga oshirish yo‘llarini ishlab chiqadi, o‘quvchilarni qabul qilish, kursdan-kursga ko‘chirish, o‘qishdan chetlashtirish masalalarni muhokama qiladi hamda amalga oshiradi;

-maslahat kengashi, fan kafedralari hisobotlarini eshitadi va muhokama qiladi;

• pedagog xodimlarning malakasini oshirish, ularning ijodiy tashabbusini rivojlantirish, pedagogik tajribasini ommalashtirish ishlarini tashkil qiladi;

Pedagogik kengash o‘z faoliyatini belgilangan tartibda tasdiqlangan Nizom asosida olib boradi.

1. Akademik litseyning umumiy faoliyatini boshqarish direktor tomonidan amalga oshiriladi.

Akademik litsey direktori pedagogik kengash raisi hisoblanadi. Akademik litsey direktori o‘quv muassasasi nomidan mazkur ustav asosida ish ko‘radi; boshqa tashkilotlar bilan bog‘laydi, uning moddiy bazasini mustahkamlaydi, shartnomalar tuzadi, ishonchnomalar beradi, banklarda hisob raqamlari ochadi, o‘quv muassasasi doirasida barcha pedagog xodimlar, ishchilar va o‘quvchilar uchun majburiy bo‘lgan buyruq, farmoyish hamda ko‘rsatmalar beradi.

1. Akademik litsey direktori:

• O‘zbekiston Respublikasi qonun hujjatlarining bajarilishini ta’minlaydi, ta’lim muassasasi faoliyati ustidan umumiy rahbarlikni amalga oshiradi, ta’lim sifatini yaxshilash, o‘quv-tarbiya jarayonining samaradorligini oshirish, rivojlantirishning asosiy yo‘nalishlarini belgilaydi, uning bajarilishi va natijasi ustidan nazorat qiladi;
• o‘quv-tarbiya jarayonining barcha bosqich va bo‘limlari faoliyatini tashkillashtiradi;
• akademik litseydagi ishlarning sifat va samaradorligiga, bolalik va mehnatni himoya qilish talablarining bajarilishiga javobgardir;
• darsdan tashqari ishlarning tashkil etilishiga zarur shart-sharoitlar yaratib beradi;
• o‘quv-tarbiyaviy jarayonni rejalashtiradi va tashkil etadi. Uning bajarilishi va natijasi ustidan nazorat qiladi;
• davlat ta’lim standartlari, o‘quv rejalar va dasturlarning bajarilishini, akademik litsey ustavi talablariga rioya qilinishini ta’minlaydi;
• davlat va jamoat tashkilotlarida ta’lim muassasasi manfaatlarini himoya qiladi, ta’lim muassasasining yillik va oylik ish rejalarini tasdiqlaydi, o‘qituvchilar yillik ish rejalarining o‘quv va pedagogik yuklamalarini bajarilishini nazorat qiladi;

• o‘quvchilar tomonidan tizimli bilim olishini ta’minlaydi;
• o‘quv jarayoniga pedagogik texnologiyalarni va ta’lim vositalarini kiritadi;
• o‘z vakolati doirasida ta’lim muassasasining moliyaviy xo‘jalik masalalarini hal etadi, budjet va budjetdan tashqari moliyaviy mablag‘larni shakllantiradi va ulardan samarali foydalanishni ta’minlaydi;
• o‘quv jihozlari va boshqa o‘qitish vositalarining saqlanishini ta’minlaydi, ta’lim muassasasining moddiy-texnik bazasini rivojlantirish ishlarini tashkil etadi;
• pedagog kadrlarni tanlash va joy-joyiga qo‘yishni amalga oshiradi, shtat jadvalini belgilangan xizmat doirasida tasdiqlaydi, pedagog xodimlar attestatsiyasini tashkillashtiradi;
• xodimlar bilan mehnat shartnomalarini tuzadi, mehnat, ishlab chiqarish, ijro intizomi va texnika xavfsizligi qoidalariga amal qilinishini ta’minlaydi;
• xodimlarini rag‘batlantirish bo‘yicha maxsus komissiyaga boshchilik qiladi, maxsus komissiya qarori asosida xodimlarga qo‘shimcha haq, bir martalik mukofot va moddiy yordamni tayinlaydi;
• vasiylik kengashi, ota-onalar, mahalla qo‘mitasi, jamoat va homiy tashkilotlari bilan o‘quv-tarbiya ishlarini rivojlantirish bo‘yicha hamkorlik ishlarini olib boradi;
• o‘smirlarning huquq va manfaatlarini himoyalash va muhofazalash bo‘yicha talabnomalarga amal qilinishini ta’minlaydi;
• mehnatni muhofazalash va texnika xavfsizligi bo‘yicha ishlarni tashkil etadi, kam ta’minlangan oila farzandlarini ijtimoiy himoyalash ishlarini tashkil etadi;
• o‘quvchi yoshlar turar joyiga ehtiyoji bo‘lgan o‘quvchilar uchun sharoitlar yaratadi;
• bitiruvchilar bandligini ta’minlash ishlarini tashkil etadi, monitoringini olib boradi;
• malaka oshirishi uchun sharoitlar yaratadi;
• jismoniy va yuridik shaxslarning vakillarini og‘zaki va yozma murojaatlari bo‘yicha qabul qiladi;
• akademik litsey bitiruvchilarini oliy ta’lim muassasalariga o‘qishga kirishi, akademik litsey faoliyati natijalari uchun shaxsan javob beradi.

1. Akademik litsey direktori amaldagi qonun hujjatlariga muvofiq boshqa vazifalarni amalga oshiradi.